3. flokkur FRAM er töff og Fram er okkar klúbbur.

Fimmtudagur-æfing kl 18,45-Úlfrasárdalur

Wed, 23 May 2012 22:41:45 GMT

Þrátt fyrir að mfl sé með leik í Pepsídeildinni þá verðum við að hafa æfingu á fimmtudaginn.
Við eigum leik á föstudaginn og verðum að sjá standið á hópnum.
Það fer rúta kl 18,20 frá Safamýri.Ef eithvað breytist þá læt ég það á síðuna á morgunn.
Verum vakandi og kíkjum á síðuna.

Tölfræði

Wed, 23 May 2012 16:02:54 GMT

Ég mun halda saman tölfræði (mörk, stoðsendingar og spjöld) í sumar! Svo að menn geti nú örugglega rifist hver er með bestu tölfræðina! Ég hendi þessu inn á þriggja leikja fresti! Kv. Runni

Góð byrjun í Íslandsmótinu hjá a liðinu

Wed, 23 May 2012 10:29:26 GMT

A liðið hóf Íslandsmótið af krafti með 5-0 sigri á liði Grindavíkur í leik sem spilaður var í Gryfjunni okkar í Úlfrarsárdalnum.
Leikur liðsins var ægi kraftmikill í upphafi leiks sem skilaði þremur fantagóðum mörkum á sex mínútna kafla.

1-0
Glæsilegt mark frá upphafi til enda á 2 mínútu.
upp völlinn,klassa sending á Axel sem sprengir upp kantinn og gefur fyrir og Örvar er þar mættur í teiginn og klárar færið með frábæru skoti upp í vinkilhornið.
Stórbrotið mark sem á sér fáa líka.

2-0
Aftur mark frá Örvari og það á 4 mínútu og staðan orðin 2-0.

3-0
6 mínútur liðnar af leiknum og það er markamaskínan Andri sem er mættur eftir sendingu Örvars.Vel klárað færi hjá Andra sem skoraði þar með sitt 9 mark í sumar.

Síðustu 10 mínútur eru AFSAKIÐ HLÉ hjá liðinu sem var eins og forðum daga hjá ríkissjónvarpinum þegar útsending klikkaði.

Seinni hálfleikur

4-0
Örvar kominn með þrennu og sigur er kominn í höfn.

5-0
Aukaspyrna Örvars ratar á Jóa A sem er á fjærsvæðinu og Jói A sem skoraði síðast í upphafsleik Reykjarvíkurmótsins skorar nú aftur í upphafsleik Íslandsmótsins.

Nokkur færi koma og fara þar á meðal skot Örvars í slána og niður á línu en ágæt niðurstaða í fyrsta leik mótsins og enn er ekkert tap komið á heimavelli á þessu keppnisári.

Fín spilamennska á margan hátt og boltinn fékk yfirleitt að rúlla og út úr því kom fallegt spil manna á milli.

Vörnin gaf ekkert höggstað á sér og Frikki mjög góður þar með Huginn sér við hlið.

Jói A var sterkur bæði í bakverði sem miðjunni aftarlega.

Axel með sinn hraða og kraft mjög ógnandi.

Örvar var maður leiksins með sína þrennu og tvær stoðsendingar sem gáfu mörk.
Klassa leikur hjá honum og sá langbesti hjá honum í bláu treyjunni.
6 til hans í einkunn.

Næst er það Snæfellsnes á föstudaginn og þá spilum við án fyriliðans okkar hans Ragga en menn verða bara að leggja sig enn betur fram í þeim leik og uppskera sigur sem er mjög svo nauðsynlegt.

Miðvikudagur-Safamýri kl 18,00

Tue, 22 May 2012 22:30:17 GMT

Æfing í Safamýrinni kl 18,00

Rútan fer kl 17,30 frá Grafarholti.

Mánudagur-Grafarholt-kl 17,00

Sun, 20 May 2012 17:57:05 GMT

Verðum líklega með æfinguna kl 17,00 vegna leiks Fram og Selfoss í mfl sem spilaður er á Laugardalsvelli kl 19,15.

Reyni að fá rútuna kl 16,30 í Safamýrinni.

Vera samt vakandi ef þetta gengur ekki upp.

Góð byrjun hjá b liðinu

Sat, 19 May 2012 14:48:24 GMT

B liðið hóf Íslandsmótið með sigri í blíðskaparveðri þegar lið ÍBV kom í heimsókn.
Með aðeins 12 leikmenn til taks varð að taka á því með alla tilbúna í verkefnið og það tókst

0-1
íBV kemst yfir þegar þeir sleppa innfyrir varnarlínu Fram og skora.
1-1
10 sekúndum fyrir lok fyrri hálfleiks jafnar 4 flokks drengurinn hann Dagur Snær sem átti mjög góðan leik í fermstu línu.
Bjarki með flotta sendingu innfyrir vörnina á þröngu svæði pg Dagur Snær nýtir færið vel.

Nokkur dauðafæri fara forgörðum hjá Fram í fyrri hálfleik.

Seinni hálfleikur

2-1
Brotið á Alex ínnan teigs og dæmt réttilega vítaspyrna og Alex klárar vítið fagmannlega.

Leik lokið.

Fínn sigur og gaman að fá leiki fyrir þá sem lítið hafa spilað eða ekkert.

Strákarnir þrír í 4 flokki þeir Dagur Snær,Maggi Ólíver og Arnór að spila frábærlega á móti eldri strákum.

Salinas var besti maður leiksins en frammistaða Bjarka og innkoma Eyþórs var flott.Gott að fá Eyþór til baka.

En aðalatriðið var að leikmenn eins og Flosi,Ivan,Bjarki,Kalid,Eyþór og fleiri fengu að spila mikið og sýna sig og sanna.

Það er gífulega mikið atriði í sumar að allir verði með á fullu og þannig getum við haldið úti b liði sem er algjör nauðsyn.

Það sem gerðist hjá 3 flokki Fram í Reykjarvíkurmótinu

Tue, 15 May 2012 16:36:53 GMT

Hér kemur frammistaða okkar í móti höfuborgarinnar sem er haldið árlega og ekki tvær ferðir á sama ári.

Við vorum með einungis eitt lið í mótinu en það lítur bjartara út fyrir Íslandsmótið með b liðið.

A liðið spilaði 9 leiki í RVK-mótinu og endaði í sæti númer 5 af 10 liðum.
4 sigrar-2 jafntefli-3 töp var endastaðan.
Markatalan var 4 mörk í +.Við skoruðum 23 mörk og fengum á okkur 19 mörk.
Meðaltalið var 2,3 mörk skoruð í leik og 1,9 mark fengið á sig í leik.

Á heimavelli vorum við öflugir og höfum byggt upp virki í Úlfarsárdalnum.
3 sigrar-2 jafntefli-0 tap.
Markatalan heima var18 mörk skoruð og 9 fengin á sig sem gerir 9 í +.
Skoruðum 3,6 mörk að meðaltali í leik á heimavelli.
Fengum á okkur 1,8 mark á leik í meðaltali.

Fjórum sinnum fengu leikmenn Fram 6 í einkunn sem er hæðsta einkunin sem gefin er hjá okkur.

Við vorum iðnir við að skora og þessir settu hann á andstæðinganna í RVK-mótinu.
8 Andri
4 Örvar
2 Arnór
2 Danni
2 Axel ( 1 v )
1 Raggi
1 Alex
1 Bjarki
1 Jói A
1 Sjálfsmark

Hæðsta meðatalið í einkunnargjöfunni var 4,22 og það næsthæðsta var 4,12.

Eftir allt saman þá getum við verið mjög svo sáttir við okkar frammistöðu í mótinu.
Við vorum með 2-0 forystu á móti ÍR sem klúðraðist og fengum síðan á okkur mark þegar leikurinn var kominn í extra tíma.
Það sama gerðist á móti KR þegar KR jafnaði þegar leiktíminn var nánast lokið.
Víti fór forgörðum á móti Þrótti þegar 6 mínútur voru eftir og við urðum að sætta okkur við einn punkt.

Við enduðum með að eiga næstmarkahæðsta leikmann mótsins sem er hinn stórefnilegi Andri sem er á yngra ári.

Yngri árs strákar voru áberandi í leik liðsins en við telfdum fram frá 4-6 drengjum á yngra árinu í byrjunarliðinu.Það segjir mikið um styrk eldra árs strákann sem og þá yngri því flest lið ef ekki öll voru með stóran hluta á eldra árinu.

Eftir allt saman var maður ágætlega sáttur miðað við hvernig hópurinn leit út í vetur.
Við eigum enn mikið inni og nú er bara að ná því FRAM og verða enn öflugri.

Þreytt tap á móti Víkingi

Tue, 15 May 2012 10:28:23 GMT

Eftir að hafa spilað 4 leiki á 10 dögum og sumir hverjir 5 leiki voru menn algjörlega búnir á því er liðið mætti Reykjarvíkurmeisturum Víkings 2012 í 3 flokki á laugardaginn.
Vera búnir að spila á móti Fjölni á fimmtudaginn og síðan Víkingi á laugardag var aðeins of mikið af því góða.Fjölnir og Víkingur með tvö sterkustu liðin í Reykjavík í 3 flokki.

Það var aðeins af skyldurækni sem leikmenn liðsins gáfu hvern einasta blóðdropa og meira til í leikinn.
Fram var aldrei inni í leiknum nema varnarlega en menn gáfu allt í þetta og sýndu karakter sinn með glæsibrag með að lippast ekki niður og gefast upp.

Leikurinn endaði 4-0 Víkingum í vil en á morgunn kemur ítarleg frásögn og tölfræði af frammistöðu okkar sem var býsna góð í mótinu og betri en andstæðingar okkar héldu um okkur.

1-2 tap í Grafarvogi

Fri, 11 May 2012 13:05:19 GMT

Fyrirfram var búist við mjög erfiðum leik á móti Fjölni sem hafa mjög sterkan og öflugan hóp úr að velja.
Það reyndist ekkert bull en leikurinn vannst á minstum mögulegum mun.

1-0
Það tók ekki langan tíma að opna markareikningin í Voginum þegar Örvar fyrrum leikmaður Fjölnis skorar á móti sínum gömlu félögum.

Andri sleppur einn innfyrir vörn Fjölnis en góð markvarsla Steina á síðasta andartaki bjargar Fjölni algjörlega fyrir horn.

Fram betri fyrstu 30 mínútur en Fjölnir tekur yfir leikinn síðustu 10 en skilar engu marki til þeirra í fyrri hálfleik.

Seinni hálfleikur

Fjölnir með öll tök á leiknum fyrstu 30 mínútur seinni hálfleiksins og 15 mínútum fyrir leikslok brestur stíflan með tveimur mörkum á þriggja mínútna kafla.
Okkar lið alltof aftarlega og bauð þar með hættunni heim.

Fram tekur við sér síðustu tíu mínútur leiksins og Axel fær upplagt tækifæri á að láta Ragga,Andra eða Alex fá boltann þegar hann kemst á markteiginn við endalínu Fjölnismarksins en sendingin hans ratar í hliðarnetið.Þarna vorum við með þrjá á tvo Fjölnismenn í teignum.Algjört dauðafæri þar á ferð.

Tvö rauð spjöld líta dagsins ljós eitt á Örvar í bláum búningi sem fór honum afar vel þrátt fyrir aðra skoðun ákveðinna aðila og eitt á Þorgeir sem spilaði í gulu treyjunni.
Bæði þessi spjöld hefðu mátt vera gul og ekkert meira þar á ferð.
Það hefði verið best fyrir alla.
Helgi minn okkur þykir öllum vænt um þig en þessi rauðu spjöld hefðu mátt fölna.

Leik lokið.

Við vorum fínir í 30 mínútur í fyrri hálfleik og síðustu 10 í seinni hálfleik en þar fyrir utan vorum við alltof aftarlega sem kom í bakið á okkur.
Þegar maður spilar þetta aftarlega og fær síðan á sig mark er oft á tíðum afar erfitt að færa sig upp völlinn með liðið.

Andstæðingurinn kom mér ekkert á óvart með leik sínum enda með ákaflega gott lið sem er það langbesta lið sem við höfum spilað við á þessu móti.
Hlýtur að vera svekkjandi fyrir .þá að hafa ekki fleiri stig í mótinu.

Bestu menn okkar voru þessir.

Heiðar í markinu sem var frábær 6 til hans í einkunn.

Jói A sem var með toppleik í hægri bakverðinum og hefur spilað tvo fanta góða leiki í röð.

Salinas sem átti grjótharðan leik og er að eflast með hverri raun.

Stórum tilfinningaleik er hér með lokið.

Hefndin var sæt

Wed, 09 May 2012 09:21:50 GMT

Eftir 1-0 tap mfl á móti Val í fyrstu umferð Íslandsmótsins var ekkert annað í stöðunni en að hefna tapsins með sigri í RVK-mótinu í 3 flokki á móti Val daginn eftir mfl leikinn.
Fjórði sigur Fram í RVK-mótinu og 14 stig komin í hús sem er bara nokkuð gott hjá okkur og höfum við þó hent frá okkur fimm stigum sem aldrei átti að gerast.

1-0
Fanta gott mark frá Danna þegar hann prjónar sig í gegnum vörn Vals.
2-0
Þessi klikkar ekki.
Andri Þór er mættur með sitt 8 mark í RVK-mótinu þegar hann sleppur innfyrir vörn Hlíðarenda pilta.
2-1
Ekki tekst að koma boltanum frá eftir hornspyrnu Valsmanna og mark til Vals.

Hálfur leikur er liðinn og Safamýrar-/Grafarholtsstórveldið er á odda.

3-1
Frábær aukaspyrna Örvars skilar sér í flottu marki frá fyriliðanum Ragga sem klárar færið fagmannlega
4-1
Ronaldhino mark frá Örvari þegar hann táar boltann frá 16 metrunum.Fagmennska yfir þessu marki.

Leik lokið og staða okkar styrkist.

Maður leiksins var Danni sem átti góðan dag.
Þá er gaman að sjá hvað Huginn Frár er snöggur að aðlagast okkar leik.
Varnarlínan fín í dag og komnir með meira sjálfstraust.
Heiðar steig ekki feilsspor í markinu.
Miðjan er massív og sterk og vinnur mikla vinnu.
Fremsta línan býr yfir þessum fína hraða sem er mikið atriði fyrir sóknarleik.

Næsti leikur er gegn vinum okkar og nábúum Grafarholts Fjölni á fimmtudaginn kl 17,00 á Egilsgrasi við Egilshöll.
Þar verður tekist á og vonandi verða þau átök heiðarleg og skemmtileg.Annað þekki ég ekki frá þeim drengjum sem spila munu þann leik fyrir Fjölni.

Tvö glötuð stig

Fri, 04 May 2012 16:34:31 GMT

Fram fékk lið Þróttar í heimsókn í Úlfarsárdalinn í rjómablíðu á flotttasta gervigrasvelli landsins.
Fyrirfram var búist við ákaflega strembnum leik þar sem Þróttur vermdi annað sætið og hafði til þessa ekki lotið í gras.
Fram saknaði eins af lykilmönnum liðsins þar sem Arnór miðjumaðurinn sterki var veikur heima.

En leikurinn var þannig að Fram hafði öll tök á leiknum og fékk víti sem fór forgörðum og í tvær ferðir fór boltinn í stangirnar á marki Þróttara.
En svona var leikurinn í mörkum.

0-1
Varnarmistök og Þróttur fær víti úr því og mark til þeirra.

Hálfleikur

1-1
Það er mark frá super-sub sem heitir Bjarki og kom inn á fyrir Ragga sem fór af velli vegna hvíldar fyrir úrslitaleikinn í handboltanum sem er á laugardaginn..
Markið kemur eftir hornspyrnu frá Örvari.

Aftur skorar Bjarki mark en dómarinn metur það að boltinn hafi verið farinn útaf áður en sendinginn kom fyrir markið.

Víti fer forgörðum þegar Örvar klikkar í fyrsta sinn á punktinum.Sama gerðu Messi og Ronaldo ekki fyrir löngu síðan.

Fínn leikur hjá liðinu í dag og liðið sýndi mátt sinn og megin með öflugum leik.

Miðverðirnir Frikki og Jói A með sinn besta leik til þessa.

Salinas var sterkur og er í frábæru líkamlegu standi.Til fyrirmindar hvernig hans form er.Hraður,sterkur og þolinn.

Heiðar í markinu er að verða betri og betri með hverjum leik en verður að laga útspörkin.

Raggi og Örvar að spila sinn sterkasta leik til þessa og Örvar var sterkur í að mata fremstu línuna með flottum boltum.

Andri alltaf hættulegur og Axel og Danni virkuðu vel á vængjunum með sinn hraða.Mættum samt fá fleiri bolta inn í teiginn frá vængjunum.

Varamennirnir þeir Huginn sem spilaði sinn fyrsta leik fyrir Fram eftir skiptin úr Fjölni og Bjarki sem skoraði markið voru báðir með virkilega góða innkomu.

Maður leiksins var Alex sem spilar þessa dagana sem hægri bakvörður og afsannar það að hann geti ekki sinnt varnarvinnu.Þvílík frammistaða hjá þessum dreng í síðustu tveimur leikjum.

Það sýndi styrk okkar að við vorum með 5 drengi í byrjunarliðinu á yngra árinu en alls tóku sjö yngra árs leikmenn þátt í leiknum og Arnór fyrirliði yngra ársins lá heima veikur sem gerir árangur okkar enn athyglisverðari því það extra mikið átak að spila með marga á yngra árinu.Það sýnir okkar styrk ekki bara hjá guttunum á yngra árinu en einnig hjá þeim á eldra árinu sem leiða ávalt leiðina í liðum í sambandi við abyrgðina.

Flott strákar og höldum áfram með okkar vinnu.

Seiglusigur á móti Leikni

Wed, 02 May 2012 22:21:13 GMT

A liðið náði að koma sér upp í 10 stig með góðum sigri á ágætu liði Leiknis sem er á margan hátt fínt lið og á skilið mun meira en þeir hafa fengið til þessa.

Það hefur verið okkar löstur í síðustu tveimur leikjum að halda fenginni forystu en nú náðum við að halda seinni forystunni í leiknum á móti Leikni.

1-0
Arnór með magnað skallamark eftir flott horn frá Axeli.

1-1
Alex og Frikki gleyma manni í teygnum og það kemur í bakið á okkur.

Hálfleikur
Leikurinn í jafnvægi og alltof mikill sunnudagsrólegheit á okkar liði.

2-1
Skoraði ekki í síðasta leik en er aftur búinn að reima á sig markaskóna.
Eftir frábæra sendingu Lúlla innfyrir vörn Leiknis klárar Andri færið sitt ákaflega fagmannlega og hans sjöunda mark í RVK-mótinu er staðreynd.

Fáum fínar sóknir og góð færi sem hefðu getað skilað mörkum en skorum ekki fleiri mörk.Varnarleikurinn mjög öflugur í seinni hálfleik og það skóp sigurinn.

Fáir góðir í fyrri hálfleik en margt breyttist í seinni hálfleik þar sem Raggi og Örvar komu með sínar bestu frammistöður ásamt því að Arnór akkerið á miðjunni var gífurlega öflugur sem fyrr.
Salinas með sína bestu frammistöðu og Lúlli lagði upp sigurmarkið ásamt því að spila mjög vel og þá vakti frammistaða Alex í hægri bakverðinum mikla athygli.

Komnir í góða stöðu í mótinu en nú fer heldur betur að reyna á okkur þegar við spilum fjóra leiki á níu dögum.

Smá pistill um framhaldið

Fri, 27 Apr 2012 20:08:20 GMT

Því miður náðum við ekki að manna b lið í Reykjarvíkurmótið sem gerir það að verkum að minna hefur orðið um spiltíma hjá sumum.
En það mun breytast þegar Íslandsmótið skellur á með sínum þunga því þar höfum við meldað inn b lið sem spilar í hörkuriðli.
Við spilum alla leiki til sigur enda er það mikið atriði að koma 3 flokki Fram aftur til vegs og virðingar sem hann var í þá daga.
Það gerir það að verkum að litlir sénsar eru teknir í leikjum þegar staðan er í jafnvægi og lítið má útaf bregða og þá verða leikmannaskiptingar færri en ella.
En tíminn mun breytast eins og áður er skrifað þegar Íslandsmótið byrjar og allir fá sinn spiltíma.

Nú styttist í það að aðalvertíð handboltans fari að ljúka og það er vel við hæfi að við sem að fótboltanum stöndum fáum að njóta þess æðruleysis og þolinmæðis sem við höfum sýnt í vetur með því að fótoltinn fái nú algjöran forgang og hægt verði að koma liðinu í endanlegt stand sem fyrst.
Þá vil ég einnig minna menn á vera töff við sjálfan sig og stunda þetta göfuga sport að fullum þunga og gefa allt í á fullu á æfingum sem og í leikjum.
Það er ekki samúð hjá mér með því að sleppa æfingum með ódýrum afsökunum.

Að lokum vil ég óska Aðalsteini föður Grafarholts til lukku með 50 árin með kveðju frá 3 flokki Fram karlamegin sem er töff.

Aftur töpuð stig á síðustu mínútu

Thu, 26 Apr 2012 09:39:35 GMT

Lukkan er eithvað sem öll lið vilja hafa með sér en lið Fram hefur hana ekki með sér þessa dagana því liðið hefur misst þrjú stig i síðustu tveimur leikjum.
Verandi í sárum eftir að hafa misst niður sigur í jafntefli á móti KR gerðist það sama því ístaðinn fyrir að fara með eitt stig frá Mjóddinni var því stigi hent frá sér þegar ÍR skoraði þegar leiktíminn var nánast liðinn.

1-0
Arnór kemur Fram yfir eftir skot úr aukaspyrnu sem hafði einhverja viðkomu í ÍR-ing á leiðinni í markið.

2-0
Axel kemur Fram í tveggja marka forskot þegar hann sendir/skýtur yfir markvörð ÍR.

2-1
Afhverju erum við að fá mark á okkur á þennan hátt.Burtu með boltann af hættusvæði.í horn,innkast eða til Kópavogs.Mér er slétt sama en bara burtu með boltann.

Hálfleikur

2-2
ÍR jafnar eftir hornspyrnu og klafs sem við náum ekki að losa í burtu.

Heiðar ver meistaralega út við stöng eftir gott skot ÍR-inga

6 mínútur eftir og leikmenn Fram vilja víti á hendi ÍR-ings en dómarinn er ekki á sama máli.

Raggi fær dauðafæri þegar boltinn dettur fyrir framan hann á markteignum en boltinn fer framhjá stöng.

2-3
Langur bolti fram og fremsti leikmaður ÍR vinur einvígi við tvo varnarmenn Fram og leggur hann á eina ÍR-inginn fyrir utan hann sjálfan sem fær boltann á markteig og leikurinn tapast.

Þessi leikur bauð upp á mikla skemmtun fyrir áhorfendur enda mikill hraði í leiknum og mikið um návígi.
Lið ÍR er kraftmikið og spilar mikið upp á langa bolta á fremstu leikmenn sem bjóða upp á mikinn hraða.
Líklega hefði jafntefli verið sanngjarnt en hvenær er boltinn sanngjarn.

Okkar leikur var fínn í þessum leik en þetta datt ekki fyrir okkur í stigum.
Nú er að tjasla sig saman og mæta ákveðnir í heimsókn til erkifjandanna hjá ÍR sem er lið Leiknis í Fellahverfinu í leik sem spilaður er á sunnudaginn.

Tvö stig töpuðust á lokamínútunum

Wed, 18 Apr 2012 12:53:55 GMT

Það var á leikmönnum Fram eins og liðið hefði tapað leiknum og ekkert stig fengið er liðið safnaðist saman við varamannaskýlið að leik loknum.
Svo var þó ekki þó á mátti sjá vonbrigði á andliti leikmanna Fram.
Hið rétta var að KR jafnaði þegar ein mínúta var eftir af venjulegum leiktíma.
Að spila jafnt á móti virkilega góðu liði KR var ekki slæmt og skora þrjú mörk í þokkabót er sterkt en við vorum svo nálægt þremur stigum en svona er fótboltinn.

1-0
Mark til Fram og það er Andri með sitt sjötta mark í Reykjarvíkurmótinu.
1-1
KR jafnar eftir hornspyrnu en við vorum í erfiðleikum í fyrri hálfleik að eiga við góðar spyrnur KR-inga inn í teiginn í föstum leikatriðum.En KR fékk á annan tug aukaspyrna ekki langt frá okkar marki í fyrri hálfleik.
2-1
Klassa sending frá Örvari inn á Andra svæði og Andri fiskar víti þegar markvörður KR brýtur á honum.
Axel á punktinn og öruggt mark til Fram.

Hálfleikur
2-2
Skil ekki alveg þetta mark sem Albert skoraði í ákaflega þröngu svæði.En virkilega vel gert hjá honum en...
3-2
Andri og Örvar spila sig upp í gegnum vörnina og Andri leggur boltann á Örvar sem klárar færið frábærlega.Hans annað mark fyrir Fram í þremur leikjum.

Axel fær boltann í teignum og snýr sér á punktinum og skýtur í stöng með vinstri fætinum.Þarna voru við nálægt að klára leikinn.
3-3
KR fær aukaspyrnu á 35 metrum sem átti aldrei að vera aukaspyrna en það var dæmt og ekkert hægt að væla yfir því en restin var slóttug.
Raggi fer upp í boltann úr aukaspyrnunni en það er ýtt á bakið á honum sem gerir það að verkum að hann fleytir boltanum yfir sig en þar tekur annar sterkur skallamaður Fram við nefnilega Jói A en það er líka keyrt inn í bakið á honum sem gerir það að verkum að hann skallar boltann í sitt eigið mark..

Fram byrjar á miðju og fær aukaspyrnu sem aldrei átti að dæma á 16 metrunum til hliðar en því miður kemur ekkert út úr henni og leikurinn er flautaður af.

Frammistaða liðins.
Okkur gekk illa og þá sérstaklega í fyrri hálfleik að halda boltanum innan liðsins en það batnaði aðeins í seinni hálfleik og þá fengum við margar fínar sóknir sem voru snöggar og markvissar og sköpuðu hættu við mark KR.

Heiðar og öll vörnin að standa sig vel og varnarleikurinn er á uppleið en það var kanski föstu leikatriðin í fyrri hálfleik sem við lentum í vandræðum með.

Miðjan er flott hjá okkur með þrjá ólíka leikmenn sem allir hafa mikla hæfileika Það slitnaði of mikið í sundur á milli miðjumannanna.Þá var og þá sérstaklega of mikið bil á milli miðju og varnar sem þýðir að annaðhvort hefði vörnin þurft að koma framar eða miðjan að detta aftar.
Vinnum í þessu.

Sóknin er alltaf hættuleg með mikinn hraða og sprengikraft.
Við erum búnir að skora 13 mörk í þremur leikjum sem er mikið hrós fyrir sóknarleikinn okkar.En sóknarleikur liðsins byggist ekki bara á fremstu leikmönnum liðsins heldur stendur allt liðið að því að hafa beittan leik framávið.

Við tökum það góða með okkur yfir í næsta leik og verum alltaf jákvæðir á okkar leik því þá farnast okkur betur og bætum okkur áfram.